Dili angay maluya kay demokrasya ang gipaglaban!, mao kini ang reaksiyon ni Ben Ranque, kanhi energy undersecretary ug karon founding convenor sa Masa Sara Duterte Alliance (MASADA), kalabot sa bag-ong kausaban sa liderato sa Senado ug ang imbestigasyon sa Blue Ribbon Committee ubos sa Cayetano bloc.
Gitin-aw ni Ranque nga kining mga panghitabo usa ka estratehiya sa mayoriya sa Senado aron pugngan ang posibleng pagdagan pagka-presidente ni Bise Presidente Sara Duterte sa 2028.
Giingon usab niya nga ang tumong niini mao ang pag-impeach kang Duterte aron malikayan ang imbestigasyon sa mga isyu nga nalambigit sa 18 ex marines ug sa mga politiko.
Bisan pa niini, gipasalig sa maong opisyal nga magpadayon ang ilang pagpakigbisog alang sa hustisya ug katarungan sa nasod.
