Dili ang pagpabalik sa death penalty ang solusyon sa problema sa krimen sa nasod sumala pa ni Atty. Dino de Leon, tungod kay mas gikinahanglan ang kasegurohan nga madakpan ang mga kriminal aron mapugngan ang paghimo niini og salaod.
Gipunto niining human rights lawyer nga base sa desisyon sa Korte Suprema niadtong 2004 sa kaso nga People versus Mateo, tulo sa matag upat ka mga conviction nga gipahamtangan og death penalty ang nasuta nga sayop.
Hinuon, giawhag niya ang kagamhanan nga palig-onon na lamang ang law enforcement ug ang justice system aron masiguro nga mapriso sa tibuok kinabuhi ang mga sad-an.
Dugang pa ni de Leon, mas epektibo ang pagpabilin sa kinabuhi sa mga kriminal pinaagi sa pag-antos niini sulod sa bilanggoan isip matang sa hustisya nga dili na mabalik kon kini mapatuman na.
