DILI FLIGHT RISK si Senador Jinggoy Estrada. Kini ang gipamugos sa iyang abogado nga si Atty. Bianca Soriano. Namugos si Soriano nga walay rason aron ibutang sa maong kategorya ang iyang kliyente kay kanunay man kini makigkoordinar sa Sandiganbayan kung siya mubiyahe. Gi‑kumpirmar usab ni Atty Soriano ang pagsumiter sa mosyon ngadto sa Manila Regional Trial Court (RTC) Branch 52 aron ikonsiderar ug bawi‑on ang Precautionary Hold Departure Order (PHDO) nga gi‑isyu sa korte batok sa senador. Hisayran nga gi-tratar sa kampo ni Estrada ang pag-isyu sa PHDO isip diskriminasyon tungod kay nababagan niini ang kagawasan nga makabiyahe bisan gipakita sa senador nga walay intensyon sa paglikay sa iyang gi-atubang nga kaso.
