Makakalilibog! Mao kini ang komento ni Ka Rene Magtubo, Chairperson sa Partido Manggagawa, sa giingon ni Pres. Ferdinand Marcos Jr. nga nahatagan na og 200 pesos nga wage increase ang mga mamumuo.
Sa iyang interbyu sa Bombo Radyo , namahayag si Magtubo nga, ang maong kantidad gilangkuban lamang sa tanang accumulated increase sukad pa niadtong 2022 ug dili usa ka higayon nga umento nga makatabang sa pagbawi sa nawala nga purchasing power sa mga trabahante.
Gika-init usab matod pa ilang ulo ang gihimong installment nga paghatag sa maong umento sa Regional Tripartite Wage Board tungod kay dili man mahimong hulugan ang pagbayad sa kuryente, plitehan, ug mga batakang palaliton.
Busa, gikuwestiyon sa maong lider ang paglungtad sa regional wage boards sulod sa 39 ka tuig nga pakyas gihapon paghatag og igo nga suweldo nga makatubag sa panginahanglan sa usa ka pamilya.
