Gisaway sa Save Bangsamoro Movement ang pamaagi sa pagpadagan sa BARMM Parliament nga gidiktahan gihapon sa gahom ug interes sa pipila.
Giklaro ni Datu Tokz Bin Abdurrahman sa Save Bangsamoro Movement nga dili kini ang autonomiya nga gipakigbisogan ug gipangandoy sa tibuok Bangsamoro.
Namahayag ang opisyal nga ang usa ka lehitimong parliament nga gilangkuban sa 80 ka mga myembro kinahanglang mo-respeto sa tingog sa matag usa ug dili lang magpadikta sa kagustohan sa padayong nagdumala sa nasud.
Nagmonitor usab ang grupo sa pag-ila sa minority group aron maseguro nga makatingog ang tinuod nga tingog sa katawhan sa rehiyon.
