Dili mahimo sa European Union o sa tibuok Europa nga makadepensa sa kaugalingon nga walay tabang sa Estados Unidos.
Kini ang giprangka ni NATO Secretary General Mark Rutte. Si Rutte miingon nga kinahanglan ang panaghiusa sa duha ka kontinente.
Iyang gisalikway ang mga panawagan sa pipila ka politiko sa Europa nga magtukod og laing kasundalohan nga bulag sa NATO.
Matod pa niya, ang kasamtangang seguridad ug kalig-on sa rehiyon nagdepende sa alyansa sa US ug Europa.
Gipasiugda usab ni Rutte nga ang pagtambayayong mao ang yawe aron masugpo ang mga hulga sa kalibutan sama sa terorismo ug agresyon sa ubang nasud.
Ang iyang pamahayag nagpakita sa klarong baruganan nga ang Europa ug US dili mabuwag ug kinahanglan magtinabangay sa pagpanalipod sa kalinaw ug seguridad.
