CAGAYAN DE ORO CITY, Philippines – Dili magpadikta ang Armed Forces of the Philippines (AFP) sa kolonyalistang China, bisag unsa pa ang gipahungaw nga impormasyon sa Chinese Foreign Ministry nga fake news ang chopper maneuver sa West Philippine Sea.
Sa usa ka press briefing, gikompirmar ni Philippine Navy Spokesperson to the West Philippine Sea Rear Admiral Roy Vincent Trinidad nga dili magpailalom sa kontrol sa Chinese Navy ang AFP, human sa Pebrero 18 nga insidente sa Scarborough Shoal.
Gi-tratar sa Philippine Coast Guard ang tailing operation sa Chinese chopper batok sa gamay nga eroplano sa Bureau of Fisheries and Aquatic Resources (BFAR) isip labing delikado, ilabina nga sakay niini ang mga miyembro sa prensa, pipila ka opisyal sa BFAR ug PCG.
Base sa nagviral nga video, gibana-bana nga anaa ra sa tulo ka metros ang gilay-on sa tapiraw sa Chinese helicopter batok sa pako sa eroplano sa BFAR.
