Moabot sa kapin 400 ka tawo lakip na ang 341 ka mga langyawng turista ang na-report nga nawala human miigo ang usa ka dakong flash flood sa utlanan sa Nepal ug China diin nikalas na kini og dili minos sa 98 ka kinabuhi.
Subay niini, gikumpirma usab ni Nepal Police Spokesperson Abi Narayan Kafle nga dili minos sa 28 ka mga opisyal sa ilang kapolisan ang padayon pa nilang gipangita taliwala sa maong dakong operasyon.
Dugang pa sa taga-International Centre for Integrated Mountain Development nga si Saswata Sanyal, ang maong aksidente nagagikan sa pagdahili sa yelo ug bato gikan sa glacier nga nibara sa sapa ug nidagayday paubos kauban ang kusog nga balud sa tubig.
Gumikan sa maong sitwasyon, nagpadala na usab og mga rescue team si Indian Prime Minister Narendra Modi aron makigtambayayong sa mga opisyal sa Nepal ug mohatag og hinabang sa mga nakaluwas.
