Dili ang Pamilya Duterte ang problema sa nasud.
Gipamugos kini ni Vice President Sara Duterte, human namatikdan sa iyang pamilya nga nakapukos na ang kasamtangang administrasyon sa paglumpag sa ilang gi-ampingan nga reputasyon ug sa pagserbisyo sa katawhan sa Pilipinas.
Mi-ingon ang anak ni Kanhi Presidente Rodrigo Duterte nga daghang ihap sa kinabuhi ang masayang, kung hingpit nga malumpag ang pamilya Duterte kay padayong gitargte sa administrasyon ang pagdaut sa tanan mu-oposar ug mubatikos sa ilang programa.
Gikastigo usab sa bise presidente ang ilegal nga pagtaral sa iyang amahan sa langyaw nga nasud nga wala mi-agi sa legal nga proseso sa mga korte sa Pilipinas.
Kini ang rason nga iyang gi-awhag ang tanan botante nga nagsuporta sa iyang amahan nga mag-igmat batok sa lapad nga tikas sa piliay ug vote buying pinaagi sa pag-apud sa ayuda sulod sa election period.
