Dili matawag nga pugante o pag-ikyas sa balaod ang gihimong pagtago ni Senador Ronald “Bato” dela Rosa sa Senado sa miaging adlaw, apan proteksyon lamang sa iyang kaugalingon.
Mao kini ang gibutyag ni Atty. Angel Lim, kanhi provincial administrator.Sa interbyu sa Bombo Radyo, gipadayag ni Lim nga dili mahimong isipon nga paglikay sa pagdakop o pag-ikyas ang gihimong lakang sa senador tungod kay nagtinguha lamang kini nga mapanalipdan ang iyang kagawasan.
Matod pa niya, adunay rason si Dela Rosa sa pagpanalipod sa iyang kaugalingon, ilabi na nga alang kaniya anaa sa peligro ang personal nga kagawasan ug seguridad sa senador.
Gipasabot usab sa abogado nga sa legal nga aspeto, wala kini mahulog sa kahulugan sa pag-ikyas o paglikay sa proseso sa hustisya.
Dugang pa niya, nagpadayon man gihapon ang senador sa pagpangayo og legal nga tambag ug mga remedyo pinaagi sa hustong proseso sa korte.
Para sa abogado, wala kunoy timailhan nga naglikay si Dela Rosa sa legal nga proseso, kondili naggamit lamang sa iyang katungod ubos sa balaod.
