CAGAYAN DE ORO CITY- Gimanduan sa Court of Appeals o CA Mindanao Station ang Ombudsman ug DILG nga dili ipatuman ang dismissal order batok City Mayor Oscar Moreno tungod sa kasong administratibo nga giduso sa complainant nga si Engr Antonio Nunez.
Gimando kini sa CA pinaagi sa paghatag sa writ of preliminary injunction o WPI kon pagpugong sa dismissal order hangtod dili pa ma-resolbar ang kaso gipasaka ni Nunez batok Moreno.
Gibutyag ni Atty Dale Brian Mordeno nga dili na makatandog ang Ombudsman ug DILG sa pagka-mayor ni Moreno tungod sa gipagawas nga permanent injunction sa CA batok dismissal order.
Samtang wala kawad-i sa paglaum ang complainant nga si Nunez nga mahatagan sa giingong hustisya ang mga magbubuhis sa katawhan sa lalawigan.
Kini human namugos si Nunez nga nakahimo’g kalapasan si Moreno sa pag-renta sa heavy equipment nga wala moagi’g public bidding samtang nagsilbi pa isip gobernador sa Misamis Oriental.
Gibutyag ni Nunez nga gitahod niini ang hukom sa Court of Appeals apan wala kalikayi nga dismayado siya sa ruling sa korte.
Dugtong niini,gikalipay ni Moreno ang pagka-obt niini sa hustisya nga giingong gihikaw kaniya sa Ombudsman.
Kini human tangtanga si Ombudsman si Moreno subay sa gipasakang graft and corruption ni Nunez sa isyu sa heavy equipment rental sa mga tuig 2007 ug 2011 hangtod 2012 samtang gobernador pa sa lalawigan.
Dugtong niini,makatabang kang Moreno ang pabor nga ruling sa CA aron mapaspasan pa ang pag-alagad sa katawhan dinhi sa syudad.
Si Moreno ang gikasuhan ni Nunez sa 48 ka kaso diin 24 niini kriminal samtang laing 24 administratibo.
