CAGAYAN DE ORO CITY-Gikumpirmar ni Department of Agrarian Reform o DAR-10 regional director Faisar Mambuay nga nagduso na sa iyang retirement si Atty Mario Jay Pielago, former provincial legal counsel kinsa nadakpan nga nagpayuhot sa ilegal nga droga sa may RER Subdivision, Brgy Kauswagan ning syudad.
Si Mambuay miingon nga miduso sa iyang retirement si Pielago sa iyang buhatan sa wala pa kini madakpi sa mga personahe sa PDEA-10.
Siya miingon nga iya na lamang gisalig sa Civil Service Commission kon naa pay makuha nga benepisyo si Pielago human malambigit sa ilegal nga droga.
