CAGAYAN DE ORO CITY – Nakasuhan na ang pito ka sakop sa rebeldeng New People’s Army o NPA nga nasikop sa militar ug kapolisan sa Ozamiz City,Misamis Occidental.
Kini human unang nakig-engkuwentro ang Guerilla Front Committee Sendong sa kapolisan ug militar sa magkalahing brgy sa maong syudad sa miaging Domingo.
Miingon si Police Regional Office o PRO 10 spokesperson Police Lt. Col. Mardy Hortillosa nga kabahin sa gipasaka nila ang illegal position of firearms and ammunition, illegal position of explosives, direct assault, disobedience ug murder sa piskalya sa Ozamiz City.
Lakip sa gikasuhan sila si Rowen Lozano, sa Sapang Dalaga, Misamis Occidental; Ricky Mag-Abo sa Brgy Mutia, Zamboanga del Norte; Charny Sumibay, sa Brgy Dawa, Josefina, Zamboanga del Sur; Johnny Bergado, sa Brgy Mutia, Zamboanga del Norte;Wilfredo Pepito sa Brgy Santo Nino, Butuan City; Noel Rodrigo,sa Brgy Guimad, Ozamiz City ug Emiliano Abadan sa Brgy Maranding, Lala,Lanao del Norte.
Sa maong engkuwentro,napatay usab ang secretary general ug daghang armas ang nabawi sa militar ug kapolisan gikan sa maong grupo.
