CAGAYAN DE ORO CITY, Philippines (UPDATE)- Good news! Mas mapasayon ug mapadali na ang proseso sa paglupad padulong sa Paris France.
Kagahapon, gi-anunsyo sa Department of Transportation (DOTr) nga buksan sa Ninoy Aquino International Airport (NAIA) ang direct flights sa Manila padulong Paris, Vice Versa sa Disyembre 8.
Kini nga mga kabag-uhan maoy tipik nga ipadagan ubos sa public private partnership sa NAIA ug sa pribadong sector nga muhawid sa operasyon, sugod Setyembre 14.
Gitin-aw ni DOTr Secretary Jaime Bautista nga bisan grabe ka overcrowded ang NAIA, masaligon kini nga mapalu-ag ug mahan-ay ang tanan mga kabag-uhan pinaagi sa private concessionaire sa nasudnong tugpahanan nga gilangkoban sa SMC-SAP & Company Consortium composed of conglomerates San Miguel Holdings Corporation, RMM Asian Logistics, Inc., RLW Aviation Development, Inc. kuyog ang operators sa Incheon International Airport Corporation (IIAC).
