CAGAYAN DE ORO CITY – Direkta nang makabiyahe padulong sa ubang Asian countries ang mga residente sa Northern Mindanao via Laguindingan Airport sugod sa tuig 2026.
Kini kon matibawas na ang pagtrabaho ug pag-upgrade sa kompanyang Aboitiz InfraCapital Incorporated sa maong tugpahanan aron magsilbing standard size diin manugpa na ang dagkong mga eroplano.
Miingon si DOTr Secretary Jaime Bautista nga nahatagan sa katumanan ang airport upgrading sa paningkamot sa pipila ka magbabalaod sa rehiyon nga naglakip kang Misamis Oriental 2nd District Cong.Bambi Emano ug Cagayan de Oro 2nd District Cong.Rufus Rodriguez.
Namahayag si Bautista nga ang maong public private partnership project ang apil sa prioridad nga infra program ni Pres Bongbong Marcos sa iyang administrasyon.
Hisayrang dili moubos sa 6 million local ug foreign passengers ang lauman nga mosulod-gawas kon matibawas na ang airport kada-tuig ubos sa 30 anyos nga pagdumala sa Aboitiz.
