“Not guilty” ang tubag ni Sarah Discaya ug walo ka mga opisyales sa Department of Public Works and Highways (DPWH) sa arraignment sa kasong Anti-Graft and Corrupt Practices Act ug malversation of public funds kalabot sa kontrobersyal nga corruption scandal sa flood control projects sa ahensya.
Ang kaso gidungog sa sala sa Regional Trial Court Branch 27 sa Lapu-Lapu City, kundiin kauban ni Ginang Discaya si Maria Roma Rimando, presidente sa St. Timothy Construction nga gipanag-iya sa Pamilya Discaya, ug ang mga opisyal ug empleyado sa DPWH Davao Occidental District Engineering Office (DEO).
Gitakda sa Enero 27 ang marking of documents, ug sa Pebrero 3 himoo ang pre-trial conference.
Pinaagi sa komperensiya, ipasabot sa mga akusado ang mga isyu ug gimarkahan nga mga ebidensya, ayha mu-aginod ang korte sa regular nga hearing.
Una niini, gitinguha ni Atty. Cornelio Samaniego, abogado ni Rimando, nga kinahanglanon ang usa ka joint ocular inspection sa proyekto aron masuta ang tinuod nga kahimtang ug masiguro nga ang mga pasangil nakabase sa kamatuoran ug dili lang sa mga dokumento.
