Gituldukan na sa Department of Justice (DOJ) ang tinguha sa magtiayong Discaya nga mahimong state witness sa nagkalapad nga corruption scandal sa Department of Public Works and Highways (DPWH).
Sa press briefing nga gilusad sa DOJ, kagahapon, miingon si DOJ Spokesperson Atty Mico Clavano, wala na’y tsansa nga ma-enroll sa Witness Protection Program o WPP silaPacifico “Curlee” ug Cezarah “Sarah” Discaya.
Namugos si Clavano nga dili sila angayan mapaubo sa WPP kay sila man ang sentro lapad nga kurapsyon.
Gawas niini, nakita usab sa DOJ ang makadaghang higayon nga galikay ang mga DISCAYA sa pagkooperar sa imbestigasyon sa DOJ busa posible silang mahimong “hostile witnesses”.
