Gikompirmar ni Ombudsman Jesus Crispin Remulla nga napasaka na ang kasong kriminal batok kang kanhi Ako Bicol Party-list Representative Zaldy Co sa Sandiganbayan, may kalabotan sa kontrobersyal nga flood control projects sa Bulacan. Gawas kang Co, giila ni Remulla ang magtiayong Curlee ug Sarah Discaya, isip episentro sa maong eskandalo, kundiin, kasuhan usab sa sunod semana. Sa gilusad nga press conference, iyang gipadayag nga daghan pa ang ilang giandam nga mga kaso batok sa ubang personalidad nga nalambigit sa maong anomalya. Mahindumduman nga mismo si Remulla ug Presidente Bongbong Marcos ang nag-ingon nga daghan ang magpasko sulod sa prisohan ning tuiga.
