CAGAYAN DE ORO CITY – Milusad sa subsob nga disease inspection ang task force pinanguluhan sa City Veterinary Office batok sa subli pag-aktibo sa African Swine Fever o ASF sa Misamis Oriental sukad miaging bulan.
Kini sa tuyo nga dili maapektuhan ang backyard hog raisers sa ASF nga dako’g epekto sa ilang kinitaan ug mismo sa ekonomiya sa dakbayan.
Miingon si Dra. Perla Asis,manager sa CityVet Office nga hinoon,pabiling negatibo sa ASF ang dakbayan apan likayan nila masubli nga masudlan tungod sa dakong kahasol niini.
Dumduman nga taud-taod nang walay gipasulod nga pork products ang syudad nga gikan sa ubang lugar partikular sa mga rehiyon nga taas ang kaso sa ASF.
