Giawhag ni Liceo de Cagayan University Senior High School GPTA President Albina Delgra ang mga ginikanan nga dili lang sa tulunghaan isalig ang tanang responsabilidad sa pagdisiplina sa mga bata.
Matud niya, gawas sa paghatag sa matag adlaw nga panginahanglan, importanteng mahatagan usab sa mga ginikanan ang ilang mga anak og sakto nga giya ug pag-ampo aron malikayan ang pagkahisalaag ug ang mga mental health problems.
Dugang pa sa opisyal, tungod kay dili na kausa nahitabo ang pagpamusil sulod sa tunghaan, angay gayud nga magmatngon ang mga sakop sa kapolisan ug kadagkoan sa PNP sa pag-atiman sa ilang mga armas aron dili kini magamit sa krimen sa ilang mga anak.
Gihimug-atan usab ni Delgra nga kinahanglang mag-antos sa bug-at nga sakripisyo ug kahimtang ang mga ginikanan kon makahimo og sayop ang ilang mga anak gamit ang ilang gitagoan nga mga pusil tungod sa pagpabaya.
