Aminado si City Local Environment and Natural Resources Office Manager Bing Mabilen nga taas-taas pa ang paningkamot ug dako nga pahimangno ang gikinahanglan aron masiguro nga ang kadaghanan motuman sa hustong paglabay sa ilang basura.
Gipadayag sa opisyal ang iyang kabalaka sa gawi sa pipila ka tawo nga magpataka gihapon og labay sa basura sa nataran bisan pa sa giandam nga mga trash bins sa mga dapit sa kalihokan sa Higalaay Festival.
Tungod niini, nagbutang na ang buhatan og dugang nga mga trash bins alang sa PET bottles aron matabangan ang publiko ug malikayan ang pagkaylap sa mga plastik sa kadalanan ug mga kanal.
Hingpit usab nga gipahugtan sa ahensya ang pag-monitor ug pagkolekta sa basura aron mamentenar ang kahinlo sa tibuok syudad.
