CAGAYAN DE ORO CITY-Isilbi karong adlawa sa DILG-10 ang dismissal order gikan sa Ombudsman batok City Mayor Oscar Moreno.
Kini human nakit-ang guilty sa Ombudsman tungod sa pakyas paghimo’g public bidding sa equipment rental samtang gobernador pa sa Misamis Oriental.
Matud sa chief legal counsel ni Moreno nga si Atty Dale Brian Mordeno nga kini ang hinungdan nga nangayo sila’g temporary restraining order o TRO sa Court of Appeals o CA Mindanao Station aron pugngan ang DILG sa pagpatuman niini.
Mismo si Mordeno ang nagkompirmar nga si officer in charge DILG Asst Sec Catalino Cuy ang nagdala sa mando sa Ombudsman alang kang Moreno dinhi sa syudad.
Samtang dili patas ang gipahamtang nga hukom aron wad-on sa pagka-mayor sa syudad si City Mayor Oscar Moreno.
Pahayag kini ni Moreno dihang nabaniug na pag-ayo ang paglugwa sa dismissal order batok kaniya aron paphaon siya sa city hall.
Nanganti si Moreno nga dili budhian ang pagsalig sa katawhan nga nagbutang kaniya sa puwesto aron mag-alagad sa dakbayan.
Una nang gibutyag sa petitioner o nagduso’g kaso batok Moreno nga si Antonio Nuniez Jr nga may anomaliya nga nahimo gisudlan nga transaction sa lalawigan hinungdan nga gikasuhan niya didto sa Ombudsman.
