(Update) CAGAYAN DE ORO CITY-Nakusahan na sa kapolisan ang kanhi huwes kuyog ang bana niini
tungod sa pagkasikop sa pagpayuhot sa gidiling droga sa Ozamiz City.
Kabahin sa gikasuhan si dismissed Jimenez Municipal Trial Court presiding Judge Priscilla Hernandez,Jesus Hernanez ingon man sila si Jonathan Manalo,Nemeniso Alburo ug Karly Hernandez.Si Misamis Occidental Provincial Police Director Sr Supt Jeysen de Guzman miingon nga nakuha gikan sa mga suspek ang dul-ag milyon ka pesos nga balor sa
gitoohang shabu.
Sa ulahing report,gibutyag ni Ozamiz City Police Office commander C/Insp Jovie Espenido
nga pulos positibo paggamit sa shabu ang mga dinakpan hinungdan nga nabalhog na sila sa bilangguan.
Hisayrang gipanghimakak sa mga suspek nga sila ang tag-iya sa kapin 100 gramong shabu nga nakuha gikan sa ilang pinuy-anan nga gitratar sa kapolisan nga suspected drug den sa maong lugar.
