CAGAYAN DE ORO CITY– Personal grudge o dugay nang bangi ang hinungdan sa pagdunggab patay sa usa ka dispatcher sa Mindanao Glassware, nga nahimutang sa Capt. Vicente Roa, cor Justo Ramonal St,ning syudad, kaganinang kadlawon.
Giila ni Police Corporal Joel Gacusta, desk officer sa Cogon Police Station ang biktima nga si Richard Balgoma, 29 anyos ug residente sa Parola Brgy. Macabalan.
Samtang ang suspek, mao si Rene Camareño, 42-anyos, usa ka sidewalk vendor ug lumad nga taga Purok 2, Pualas Bukidnon.
Gibutyag ni Gacusta nga ubay-ubay nga samad dinunggaban ang nadawat sa dispatcher gikan sa iyang gikabangi nga sidewalk vendor.
Usa ka hunting knife ang narekober sa crimescene.
Paslak na sa Cogon minicel ang suspek.
