CAGAYAN DE ORO CITY – Patay ang dispatser sa trisikad human gipusil sa duha ka suspek nga sakay sa motorsiklo diha sa Brgy Bugo ning syudad.
Giila ang biktima nga si Antonino Salaan, 52-anyos, minyo ug residente sa maong dapit.
Base sa report, gipusil ang biktima sa wala mailang suspek samtang naglingkod sa usa ka barber shop.
Nakaangkon ang biktima sa samad pinusilan sa ulo ug lawas nga maoy hinungdan sa iyang kamatayon.
Sa pagkakaron,blangko pa ang pamilya sa biktima sa motibo sa pagpatay niini ilabina nga wala kini kaaway.
