CAGAYAN DE ORO CITY, Philippines – I-raffle sa Commission on Election o Comelec ang petisyon nga i-diskwalipikar sa taliabot nga piliay ang lima ka mga miyembro sa pamilyang Tulfo aron matumbok kung unsang division ang mohupot sa kaso.
Gibutyag ni Comelec chairman George Erwin Garcia nga muagi sa normal nga proseso kaso.
Gilauman nga mapagawas ang desisyon sa dili pa ang Mayo. Apan giklaro ni Garcia nga mahimo pang isaka sa en banc ang mahimong desisyon.
Sa pikas bahin, pursigido si veteran Journalist ug karon kandidato pagka Senador – Ben ‘Bitag’ Tulfo nga ipadayon ang iyang kandidatura taliwala sa gi-atubang nga disqualification case sa Comelec.
Miingon si Tulfo nga supak siya sa isyu sa dinastiya, apan, wala pay tin-aw nga balaod kalabot niini sa political system sa nasud. Una nang gipamugos sa reklamante nga si Atty Virgilio Garcia nga Political Dynasty ang grounds sa iyang gisang-at nga petition for disqualification.
Lakip sa gustong idiskwalipikar ni Atty Garcia sila ACT-CIS Rep. Erwin Tulfo ug broadcast journalist Ben Tulfo kinsa mudagan pagka Senador; ACT-CIS Rep. Joselyn Pua-Tulfo ug Quezon City Rep. Ralph Tulfo, kinsa mupapili isip mga kongresista; ug si House of Representatives, ug kanhi Tourism Secretary Wanda Tulfo Teo, kinsa nominee sa Turismo party-list.
