Gibarugan sa Commission on Elections o Comelec nga dili malakip sa balota ang mga pangalan sa mga kandidatong aduna final and executory decision sa ilahang mga disqualification cases.
Gibutyag ni Comelec Chairman George Erwin Garcia nga daan na nilang gipahibalo ang Supreme Court nga magsugod na silag imprinta sa balota sa miaging adlaw Enero 6 ning tuiga.
Apan matud ni Garcia nga kung uganing makakuhag Temporary Restraining Order o TRO ang nadisqualified nga kandidato, ang Comelec na maoy makitag paagi aron matuman ang kamanduan sa korte suprema.
Anaa sa 71,076,588 ang gikinahanglan balota alang sa May 2025 elections ug 2,378,992 sa BARMM parliamentary elections.
