CAGAYAN DE ORO CITY – Patay ang machine operator sa Del Monte Philippines human naligsan sa trailer truck sa Zone 2 Brgy Cugman ning syudad.
Giila ang biktima nga si Tristan Jay Abella, 25, ulitawo nga taga Zone 1-B Brgy, Iponan sa syudad.
Sumala ni Cugman Police Station investigator Police Staff Sgt. Noel Ermac nga pauli na ang biktima gikan sa trabaho dihang kalit nga na slide ang gimaneho niining motorsikto ug napasok sa truck nga gimaneho ni Leomel Rey Tandog, hingkod ang panuigon ug molopyo sa Zone 7 Barra Opol Misamis Oriental hinungdan sa kamatayon niini.
Dili mahitsura ang gidangatan sa biktima diin lakip ang iyang helmet ang nabungkag tungod sa maong hitabo.
Detinado na ang suspek ug kasuhan kini sa kapolisan sa reckless imprudence resulting in homicide.
