CAGAYAN DE ORO CITY, Philippines – Gamiton sa Department of Migrant Workers ang action plan aron maluwas ug mapagawas sa prisohan ang 17 ka pinoy workers, nga unang nasikop niadtong Marso 27, samtang milusad sa ilang Pro-Duterte Grand Rally sa Qatar.
Namahayag si DMW Secretary Atty. Hans Leo Cacdac nga nagkoordinar ang ilang ahensya sa Qatari Police sa paglusad sa imbestigasyon aron mahatagan sa katin-awan ang unod sa katiguman, ug ihangyo ang provisional release, samtang nagpadayon ang imbestigasyon.
Miingon si Cacdac nga mismo si Presidente Bongbong Marcos ang mi-apelar sa langyaw nga gobyerno sa temporaryo nga kagawasan sa mga detained-OFWS.
Sa pagkakaron gihatagan sa legal ug welfare assistance sa DMW ang mga nasikop nga mga pinoy workers.
Una niini, dakung kasupakan sa balaod sa Qatar ang political rallies o bisan unsang tipok-tipoj nga walay permiso gikan sa ilang kagamhanan.
