CAGAYAN DE ORO CITY, Philippines – Miangkon ang Department of Migrant Workers sa kalisdanan sa pagbook sa biyahe sa mga distressed OFWS gikan sa Beirut, Lebanon pabalik sa Manila.
Namahayag si Bernard Olalia, DMW Secretary nga dili lang ang kaliwatanang pinoy ang ga-iniloga sa pagbiya pagawas sa Lebanon apan daghan pang mga langyaw.
Segunda sa ilang kalisdanan mao ang taas nga proseso ug waiting period sa pagkuha sa exit interviews.
Hisayran nga bisan halos ghost town na ang pipilang bahin sa Beirut, daghan pa gihapon mga pinoy workers nga nagmagahi sa pagbiya tungod sa kadaku sa sweldo ug nasayud sila nga wala silay trabaho pagbalik sa Pilipinas.
