Personal nga susihon ni Department of Migrant Workers (DMW) Secretary Hans Leo Cacdac ang kaso sa pagkamatay sa usa ka Overseas Filipino Worker (OWF) sa Abu Dhabi.
Subay sa report, kapalgang patay ang 44 anyos nga si Mary Jil Muya sulod sa iyang lawak niadtong Disyembre 31.
Miingon ang kalihim nga naghulat pa sila sa opisyal nga pagpagula sa forensic report kabahin sa insidente.
Naila si Muya nga lumad sa Jaro, Iloilo City ug duha ka dekada na nga OFW sa Abu Dhabi.
Unang mipadayag si Philippine ambassador to the UAE Alfonso Ver nga ipapauli nila sa Pilipinas ang lawas sa OFW kung makumpleto na ang gikinahanglan nga mga dokumento.
