Dili lang hulga sa taas nga heat index ang giatubang sa lalawigan sa Misamis Oriental tungod kay gipahimangnoan usab sa buhatan sa Provincial Disaster Risk Reduction and Management Office ang publiko batok sa nagpahiping peligro sa sakit nga dengue.
Gipahayag ni PDRRMO Head Ferdinand Sotsot Dy nga apil usab sa ilang gitan-aw ang natala nga kaso sa pagdugo sa ilong sa pipila ka mga tawo ug mga estudyante sa lalawigan, hinungdan nga gipahimangnoan ang tanan nga mag-amping.
Subay niini, gihangyo sa opisyal ang mga katawhan nga likayan una ang paglakaw ug pagbiyahe og layo kon dili ra importante ang tuyo sa gawas.
Mao nga pinaagi sa maong lakang, gilauman nga malikayan ang bisan unsang dili maayong insidente nga posibleng mugna sa grabeng kainit sa panahon.
