Gi-anunsyo sa Department of Energy (DOE) nga adunay kapin P20 kada litro nga rollback sa presyo sa krudo nga ipatuman karong Martes.
Gi-kompirmar kini ni Pangulong Ferdinand Marcos Jr. isip dakong tabang sa mga konsumidor ug sektor sa transportasyon.
Ang maong rollback giingong resulta sa paglihok sa presyo sa lana sa internasyonal nga merkado. Gilauman nga makahatag kini ug ginhawa sa mga drayber, negosyante, ug ordinaryong mamumuo nga nag-antos sa taas nga gasto sa panginabuhi.
Ang DOE nagpasalig nga magpadayon sa pagbantay sa kalihokan sa presyo aron maprotektahan ang interes sa publiko.
