Gipa-andam ang mga motorista sa posibleng pagtaas sa presyo sa produktong petrolyo sa sunod semana, bisan pa sa pahayag sa Department of Energy (DOE) nga limitado lang ang epekto sa tensiyon sa Middle East sa suplay sa lana.
Sumala ni DOE Oil Management Bureau Director Rino Abad, wala’y natala nga kadaot sa mga pasilidad sa produksiyon sa lana sa Iran bisan pa sa mga military attacks nga may kalabotan sa tensiyon tali sa Estados Unidos ug Israel batok sa Iran.
Gipasabut ni Abad nga mga target military ug nuclear-related infrastructure ra ang naapektuhan, apan adunay kabalaka sa hanay sa mga shipping operator nga nagdala sa pagkalangan sa transportasyon sa lana.
Tungod sa maong delay, gibanabana nga mosaka ang presyo sa gasolina, diesel ug kerosene nga mahimong moabot sa P3 kada litro sa sulod sa 2-3 ka semana.
