CAGAYAN DE ORO CITY – Nakatala ang Dept of Health 10’s Regional Epidemiology, Surveillance and Disaster Response Unit (RESDRU) sa upat ka reported cases sa fireworks related injuries may kalabutan sa pagtamod ug pagsaulog sa pasko sa Northern Mindanao.
Miingon si Jasper Kent Ola,registered nurse sa DoH 10-RESDRU nga ang maong ihap nagsumikad gikan sa petsa 21 hangtod Disyembre 26 diin duha sa mga biktima gikan sa Lanao del Norte samtang tag-usa ang Cagayan de Oro City ug Iligan City.
Siya miingon nga hinoon,mas ubos ang 33 percent fireworks related injuries itandi sa susamang period sa milabay’ng tuig 2023.
Miingon si Ola nga sa upat ka biktima sa pabuto,usa niini ang nabuthan sa mata apan wala na gibutyag kon taga-asa dinhi sa rehiyon.
Nasuta usab nga maoy naka-angol sa mga biktima ang mga pabuto nga watusi,pla-pla triangle,kwitis ug piccolo nga pulos gipangdili na nga ipangbaliya nunot sa ka-dalikado niini.
