CAGAYAN DE ORO CITY – Mitala sa siya ka indibidwal ang biktima sa firecrackers related cases sa Northern Mindanao sukad Disyembre 21 hangtud ning adlawa.
Kini subay sa kompirmasyon ni Jasper Kent Ola sa Regional Epidemiology Surveillance and Disaster Response Unit (RESDRU) sa Department of Health o DoH-10.
Gibutyag ni Ola nga sa maong ihap,gilakipan kini sa tulo ka eye injuries ug unom nakaangkon mga paso epekto sa pagbusikad sa kwitis, piccolo ug triangle.
Siya miingon nga subo sila kay bisan gipangdili na ang maong mga klase sa pabuto apan adunay mga pagpalusot gihapon niini ug sekretong gipangbaligya ngadto sa pipila ka hilig sa pabuto.
Dugang ni Ola nga sa maong ihap sa nabuthan, upat niini gikan sa Misamis Occidental,tulo sa Lanao del Norte samtang pabiling tag-usa lang gihapon sa Cagayan de Oro City ug dakbayan sa Iligan.
