CAGAYAN DE ORO CITY – Giaghat sa Dept of Health 10 ang local govt units nga sundon ang resolusyon sa national IATF nga mogamit lamang sa usa ka contact tracing app sama sa StaySafe.PH app isip kabahin sa pakigbatok sa COVID-19 transmission.
Miingon si DoH’ infectious disease cluster chief Dr Ian Gonzales nga tuyo niini nga ma-integrate ang tanang local quick response o QR codes aron dili hasol ang pagbaton niini ilabina nga kanunay galakaw ang katawhan.
Miingon si Gonzales nga pribadong grupo kuyog ang DoST ug DICT ang nag-imbento sa StaySafe.PH app nga hingpit nang ipagamit sa gobienro sa dili madugay.
Sa maong paagi,kalikayan ang paghinay sa server sa local QR code apps sama sa nahitabo dinhi sa syudad tungod sa kadaghan sa tawo nga nagpa-rehistro.
