CAGAYAN DE ORO CITY – Gihupay sa Dept of Health o DoH-10 ang kabalaka sa publiko nga may nahitabo na nga ‘sustain community transmission’ sa coronavirus disease sa dakbayan.
Kini tungod sa laing residente nga taga-Brgy Lumbia nga natakdan sa maong sakit ug kasamtangang gitambalan sa Northern Mindanao Medical Center o NMMC ning syudad.
Miingon si Dr Ian Gonzales,chief sa DoH-10 Infectious Diseases Cluster nga wala pa’y direkta nga ebedensiya nga magtumbok niini.
Una nang nagbaton sa upat ka kaso sa COVID-19 ang syudad diin gilakipan kini sa pasyente gikan sa Brgy 9 ingon man sa cancer patient apan namatay didto sa Davao City,pasyente sa Pinikitan,Brgy Camaman-an ug 21 anyos gikan sa Brgy Lumbia sa syudad.
