CAGAYAN DE ORO CITY-Nagbaton lamang sa ubos nga kaso sa mga tawo nga nabuthan ang rehiyon 10 atol pagsaulog sa pasko ug pagsugat sa bag-ong tuig.
Kini human opisyal nang gitak-upan sa Dept of Health o DoH-10 ang revelry monitoring alayon sa Oplan Iwas Paputok campaign kagahapong adlawa.
Namahayag si Nur Aian Caridad,health & education promotions officer 3 sa DoH nga anaa lamang sa napulo ka kaso ang ilang natala diin 9 niini tungod sa pabuto samtang may usa nga naigo sa saag nga bala.
Kabahin sa mga lugar nga adunay kaso sa firecracker related incidents ang Bukidnon,Misamis Occidental,Cagayan de Oro City ug saag bala usab ang natala sa Iligan City.
Nasayran nga sukad 2010,ang Disyembre 25 hangtod Enero 5 2018 nga monitoring ang pinakaubos nga adunay natala nga kaso sa mga tawong nabuthan.
