CAGAYAN DE ORO CITY -Pabilin nga gihulatan sa Department of Health o DoH-10 ang resulta sa findings sa pagkahilo sa dul-ag 300 ka batan-on nga nagpahigayon sa ilang National Youth Convention sa may Sitio Cedar,Brgy Impalutao, Impasug-ong,Bukidnon.
Matud ni DoH-10 spokesperson Dr. David Mendoza nga bisan sila ang kanunay ga-follow up sa resulta sa rectal ug water sample nga ilang gipadala sa kaulohan.
Siya miingon nga naglisod ang mga eksperto sa pagsuta kung unsa gayud ang hinungdan sa pagkahilo, pagsuka-suka ug pagkalibanga sa mga biktima.
Nagtoo si Mendoza nga sunod semana pa mahibal-an kung unsay rason sa pagka-food poison sa mga miyembro sa SDA Reform Movement.
Una ang gikonsiderar sa DoH nga usa ka outbreak ang hitabo tungod sa kakalit usab niini diin pulos mga batan-on ang nangahilo sa giduhan nga gikaon nga pagkaon ug nainom nga tubig sa maong lugar sa miaging semana.
