CAGAYAN DE ORO CITY – Isolated karon si Local Health Support Division chief Dr David Mendoza mismo sulod sa ilang DoH-10 ‘s treatment facility ning syudad.
Kini human natakdan si Mendoza sa COVID-19 tungod sa iyang direktang exposure sa mga tawo epekto sa ilang trabaho nga pakigbatok sa COVID-19.
Hinoon,wala magbaton sa seryoso nga mga sintomas si Mendoza epekto usab kay kompleto ang bakuna nga nadawat niini.
Wala usab mabutyag sa opisyal kon pila sa ilang mga empleyado ang nalakip sa isolation kay expose kaniya isip positibo sa bayrus.
Sa pikas bahin,direkta nang makahimo sa vaccination rollout sa katawhan tungod sa inisyal nga pag-uyon sa national IATF nga mismo ang city govt ang mohawid sa mga alokasyon sa bakuna gikan sa kauluhan.
Kini human nagsulat si City Mayor Oscar Moreno ug nanghangyo sa IATF nga ang city govt na ang magbaton sa kaugalingong mga bakuna aron mapaspasan ang vaccination rollout ug makab-ot ang tinguha nga herd immunity.
Miingon ang mayor nga gisugdan na pagtuki ang hangyo sa syudad aron igo na lamang mo-supervise ang DoH-10 sa mas lapdan nga pagpamakuna ilabina nga laraw sa city govt ang brgy to brgy nga pagserbisyo sa katawhan batok COVID-19.
