CAGAYAN DE ORO CITY – Giuyunan sa Department of Health o DoH-10 ang ordinansa sa syudad nga obligado na ang tanang residente nga magsul-ob sa face mask kon ugaling moggawas sa ilang tagsa-tagsa ka panimalay.
Apan gihangyo ni DoH-10 Asst Reg Dir Dr David Mendoza ang publiko nga kadto lamang cloth face mask ang gamiton.
Si Mendoza miingon nga limitado ang suplay sa N88 ug N95 masks ug angayan kini ngadto lamang sa health authorities nga gaatiman sa Covid-19 patients.
Gipahimangnuan ni Mendoza ang publiko nga labhan matag adlaw ang cloth face mask ayha gamiton aron dili matakdan sa virus.
Una nang gibutyag ni City Mayor Oscar Moreno nga ipatuman na niini sa dili madugay ang pagsul-ob sa facemask sa mga tawo nga sa syudad aron dili direktang matakbuyan sa maong sakit.
