CAGAYAN DE ORO CITY – Nanganti ang House of Representatives nga kasuhan ang kadagkuan sa Dept of Health kung pabiling dili tumanon ang ilang saad nga mahatagan sa pondo ang pagtiwas sa Northeastern Misamis General Hospital sa lungsod sa Villanueva,Misamis Oriental.
Kini human wala matago ni House Deputy Speaker ug Misamis Oriental 2nd District Rep. Bambi Emano ang kadismaya kang Health Secretary Teodoro Herbosa sa iyang ikaupat nga congressional report diin giyayag niini ang mga paningkamot ug nahimot abot sa pakigbisog sa kauluhan alang sa katawhan sa distrito dos.
Namahayag si Emano nga nalatid sa balaod sa pasado nga nasudnong pondo ang alokasyon sa NMGH rason nga singlon niya kini sa pagbalik sa ilang regular session sa Lunes.
Una niini,gipasalig ni Herbosa nga tabangan ang hangyo sa kongresista apan pabiling wala kini nahatagan sa katumanan.
Kini ang rason nga wala napugni ni Emano nga natawag nga bakakon si Herbosa taliwala sa pagsilbing doktor atol sa iyang CoRe Quatro sa dome sa Tagoloan ning lalawigan.
