Gitin-aw sa Department of Health (DOH) nga wala nay dugang isubmitar o himoon ang mga Pilipino aron makapahimulos sa ‘Zero Billing’ o No Balance Billing policy sa 87 ka ospital nga gipadagan sa ahensya sa tibuok Pilipinas.
Sumala sa ahensya nga wala na gapangayo’g dugang dokumento ang Philippine Health Insurance Corporation (Philhealth) aron maka-avail ang mga pasyente sa maong polisiya, nga naila sab isip ‘No Balance Billing’ policy sa bisan asang ospital nga gidumala sa DOH.
Dugang pa sa ahensya nga isip miyembro, ang tanang Pilipino, may katakos man, o wala nga magbayad sa kontribusyon, garantisado sa No Balance Billing kung ma admit sa basic o ward accomodation.
Gipaniguro sab sa DOH ngadto sa publiko nga padayon ang PhilHealth sa paghatag sa patas nga access sa serbisyong panglawas alang sa tanang Pilipino.
