CAGAYAN DE ORO CITY – Nangayo karo’g 25 ka mechanical ventilators si House Deputy Speaker Cong Rufus Rodriguez sa Dept of Health nga magamit pagdugang sa mga ospital dinhi sa dakbayan.
Kini sa tuyo nga mapaspasan pagtubag sa epekto sa COVID-19 nga hinungdan kon nganong napaubos sa modified ECQ ang syudad ning bulana.
Miingon si Rodriguez nga kabahin sa gusto niya pabutangan sa 10 units sa bentilador ang Northern Mindanao Medical Center;tagtulo ka units sa J. R. Borja General Hospital ug Maria Reyna – Xavier University Hospital.
Samtang tag-duha usab sa Capitol University Medical Center;Cagayan de Oro Polymedic Medical Plaza;Cagayan de Oro Medical Center/Oncology Cancer ug Madonna and Child Hospital ning syudad.
