CAGAYAN DE ORO CITY-Namiligro nga magresulta sa giingong humanitarian crisis ang sitwasyon sa mga bakwit nga nahimutang sa nagkadaiyang evacuation centers gikan sa Marawi City,Lanao del Sur.
Kini human kumpirmado nga anaa na sa 24 ka evacuees ang namatay tungod sa paghambin sa balatian samtang gitambalan sa nagkadaiyang ospital mga probinsya sa Lanao del Sur ug Lanao del Norte.
Gibutyag ni DoH Undersecretary Hermiginildo Valle nga sagad sa mga sakit nga mitakboy sa daghang bakwit ang diarrhea;hilanat,sip-o ug suliran sa panit.
Nabantayan usab ang pagkulang na sa relief goods alang sa mga bakwit sa pipila ka evacuation centers.
