CAGAYAN DE ORO CITY – Gitratar na karon sa Dept of Health 10 nga mismo na ang katawhan ang nagsilbing frontliners sa pakigbatok sa coronavirus disease pandemic.
Gihimo ni DoH asst regional director David Mendoza ang pahayag nunot sa pagsaka pa sa 101 ka positibong kaso sa bayrus sa rehiyon.
Miingon si Mendoza nga sila nga health workers ang nagsilbi lamang nga last line of defense batok sa COVID-19.
Kini ang hinungdan nga angay ipalig-on pa sa publiko ang health self-defense samtang wala pa’y klaro nga bakuna nga makasumpo niini.
Samtang namiligro nga makatakod pa ang kagaw nga dala sa coronavirus disease kon dili maayo ang pagpaubos sa tawo sa ‘tu-ob’ nga gilantugian sa publiko sa nasud ning panahona.
Kini human subli giklaro ni DoH asst regional director David Mendoza nga walay pagtoon sa siyensiya nga nagmatood nga makapatay sa bayrus ang paghimo niini.
Una niini,may 34 anyos nga pasyente nga gikan diha sa Dabatian Street,Brgy Carmen ning syudad nga mipaubos sa ‘tu-ob’ samtang nakigbatok sa bayrus apan namatay kini dihang ulahi na nadala sa Northern Mindanao Medical Center sa miaging Hunyo 3 ning tuiga.
