Gi-andam na sa Department of Justice (DOJ) ang pag pasakag kaso batok sa mga indibiduwal nga giingong nalambigit sa pagkawala sa mga sabungero.
Gibutyag ni Justice Secretary Jesus Crispin Remulla nga miligid na ang ilang ebalwasyon sa ilang abogado ug ug pagbalidar sa mga ebidensya nga nahuptan sa DOJ aron pormal nga isang-at ang kasong kidnapping, murder, ug paglapas sa Republic Act 9851, nga maoy unod sa paglapas sa balaod international humanitarian law ug genocide.
Gikonsiderar sa DOJ nga seryoso ang mga alegasyon, ilabi na ang testimonya sa whistleblower nga si alyas “Totoy,” nga nagngalan sa mga grupong Alpha, Bravo, Charlie, ug Delta nga pulos nalambigit sa operasyon sa e-sabong ug sa paglubong sa mga biktima sa Taal Lake.
Gumikan sa kadaghan sa mga biktima, gitawag ni Remulla ang insidente isip “corporate killings” ug nanawagan siya sa mga nalambigit nga mutabang sa imbestigasyon samtang wala pa masang-at ang mga kaso.
