CAGAYAN DE ORO CITY – Gihimo na sa Dept of Justice o DoJ ang preleminary investigation sa giatubang nga kaso sa incorporators KAPA-Community Ministry International Incorporated sa pagpangulo ni Pastor Joel Apolinario sa kauluhan ning adlawa.
Miingon si Securities and Exchange Commission o SEC 10 regional director Atty. Renato Egypto nga tumong sa DoJ nga sutaon kon may probable cause ang kaso nga gipasaka nila batok sa KAPA.
Si Apolinario ug laing pito ka opisyal sa KAPA ang nag-atubang sa kasupakan sa security and regulatory code o SRC tungod sa gisudlan nila nga investment taking gamit ang ilang mga miembro.
Samtang mas nadasig pa karon ang SEC sa ilang gipasakang kaso batok sa KAPA-Community Ministry International Incorporated human mahitabo ang pagpamusil sa mga armadong lalaki didto sa broadcast center sa Bombo Radyo General Santos City.
Gibutyag ni Egypto nga mas ganado pa sila sa ilang kampanya nga pagpaundang sa operasyon sa KAPA ug uban pang investment scam sa nasud.
Kini ilabina nga nabati nilang may mga kauban sila sa sama sa Bombo Radyo nga anaa ang kaisog pagsumpo niini.
Dumduman nga makadaghan nang giharass sa grupo ni KAPA founder Joel Apolinario ang Bombo Radyo Gensan diin gi-frame up nila ang station manager ug news director nga giingong nangilkil aron pagpahunong sa pagbulgar sa ilang mga ilegal nga kalihukan ngadto sa katawhan sa Region 12.
