Gipanghimakak sa Department of Justice (DOJ) ang istorya nga adunay migawas nga direktiba nga dili ipakuyog ang National Bureau of Investigation (NBI) alang sa padayon nga pagpangita kang business tycoon Charlie “Atong” Ang.
Sumala kang Justice Secretary Fredderick Avida nga dili kini tinuod apan mismo ang korte ang nag-sugo sa tana’ng ‘law enforcement agencies’, sama sa NBI.
Gipaambit sa kalihim nga ang lain-laing mga ahensya sa gobyerno kay nagtinabanga alang sa pag-aresto ang pugante.
Dako ang pagsalig ni Avida sa Philippine National Police (PNP) ug sa National Bureau of Investigation (NBI) nga ilahang mapatuman ang arrest warrant diin gipunting usab niya nga senstitibo kini nga operasyon ug mituo siya’ng adunay kahanas ang mga pugante sa paglikay sa mga awtoridad.
